Të rinjtë nga gjimnazi “Ali Asllani” Kotë, Selenicë gjatë një bisedimi të lirë me Blendi Salaj, ekspert i mirënjohur i medias dhe komunikimit në Shqipëri.

Ky takim vjen në vazhdën e bisedave të hapura për edukimin mediatik, që Blendi Salaj ka zhvilluar me të rinjtë e 16 shkollave të mesme të përgjithshme, pjesë e modelit shumë-aktorial Shkolla Qendër Komunitare.

Këtë javë u zhvillua një diskutim i lirë midis Dea Rrozhani, programuese dhe bashkëthemeluese e aplikacionit GjejZa, dhe të rinjve nga 16 shkolla të mesme të përgjithshme, pjesë e qasjes shumaktoriale Shkolla Qendër Komunitare.

Takimi ishte një mundësi për të frymëzuar dhe nxitur nxënësit e shkollave të mesme të bëjnë zgjedhjet e duhura në përpjekjet e tyre të ardhshme profesionale dhe sipërmarrëse.

Përgjatë muajit qershor 2021, u zhvilluan trajnimet dy-ditore me pjesëmarrjen e 138 mësuesve, prindërve, psikologëve dhe oficerëve të sigurisë në shkollat e mesme “Ibrahim Rugova” Kamëz; “Halit Bërzeshta” Prrenjas; “Haxhi Qehaj” Rrogozhinë; “Ali Asllani” Kotë; “Arbëria” Bulqizë; “Arif Halil Sulaj” Mamurras; dhe “Oso Kuka” Shkodër.

Gjatë muajit maj nxënës nga gjimnazet “Ali Asllani” Kotë, “Oso Kuka” Shkodër, “Arbëria” Bulqizë, “Halit Bërzeshta” Prrenjas, “Arif Halil Sulaj” Mamurras, “Haxhi Qehaj” Rrogozhinë, “Dom Nikollë Kaçorri” Durrës, “Isa Boletini” Vorë, “Sadik Stavileci” Kashar, “Zihni Magani” Peqin, “Ibrahim Rugova” Kamëz, “Shote Galica” Fushë-Krujë, Skënderbeu Krujë, “16 Shtatori” Shijak, gjimnazi Manëz dhe “Tomorr Sinani” Cërrik u trajnuan rreth edukimit mediatik dhe identifikimit të lajmit të rremë në media, nga eksperti i komunikimit, z. Blendi Salaj.

Të rinjtë e 16 shkollave të mesme, pjesë e projektit “Shkolla Qendër Komunitare”, janë angazhuar në aktivitete të ndryshme komunitare për të përkujtuar Ditën e Evropës.

Dëshiron të mësosh më shumë rreth feminizmit?
Dëshiron që të promovosh barazinë gjinore në komunitetin ku jeton?
Je i/e interesuar për t’u njohur me organizatat që operojnë në këtë drejtim në Shqipëri dhe si mund të përfshihesh?
Nëse po, kjo thirrje është për ty!

Këshilli Rinor i Ambasadës Amerikane fton të gjithë studentët me vendbanim jashtë Tiranës të aplikojnë për t’u bërë pjesë e Akademisë Feministe. 

Akademia Feministe është një workshop 3 ditor online në të cilin 30 aplikantët më të suksesshëm do të kenë mundësinë të marrin njohuri të thelluara teorike dhe praktike mbi barazinë gjinore përmes trajnimeve interaktive, diskutimeve dhe punës në grup.

Kjo përbën fazën e parë të projektit ‘’Every Day is Women’s Day’’, i cili ka për qëllim promovimin e barazisë gjinore në komunitet përmes rritjes së kapaciteteve rinore. 

Të gjithë pjesëmarrësit do të pajisen me certifikatë, ndërsa 3 më të mirët do të kualifikohen për fazën e dytë dhe të tretë të projektit në të cilat do të mbështeten nga Këshilli Rinor i Ambasadës Amerikane për të promovuar barazinë gjinore përmes moduleve informuese dhe argëtuese për të rinjtë e komuniteteve të tyre përgjatë pushimeve verore.

Afati i fundit për të aplikuar: 1 maj
Për çdo pyetje apo paqartësi, na kontaktoni në rrjetet tona sociale ose në emailin [email protected]

Linku për të aplikuar https://g5walzjh9pw.typeform.com/to/dTYSsMeI

Me qëllim të rritjes së njohurive të të rinjve mbi mundësitë e zhvillimit të karrierës, IDM organizoi një takim informues në lidhje me studimet e arsimit të lartë në SHBA dhe procesin e aplikimit.

Instituti për Demokraci dhe Ndërmjetësim, me rastin e Ditës Ndërkombëtare të Gruas, organizoi aktivitetin “Të rinjtë zgjedhin të sfidojnë përmes sipërmarrjes”, me pjesëmarrjen e nxënësve dhe stafit të 16 shkollave pjesë e projektit “Zgjerimi i Rrjetit të Komuniteteve të Qëndrueshme përmes modelit Shkolla si Qendër Komunitare”, i mbështetur nga Ambasada e SHBA-ve në Tiranë.

Përgjatë muajit shkurt 2020 janë realizuar 6 takime prezantuese të projektit “Zgjerimi i rrjetit të komuniteteve të qëndrueshme në Shqipëri përmes modelit “Shkolla si Qendër Komunitare”, zbatuar nga Instituti për Demokraci dhe Ndërmjetësim, me mbështetjen financiare nga Zyra për marrëdhënien me publikun e Shteteve të Bashkuara të Amerikës. Këto takime kanë hedhur hapat për krijimin e grupeve këshillimore dhe shtrimin e punës në vazhdimësi për zgjerimin e projektit në gjashtë bashki të reja.

Në datën 28 Janar 2021, Instituti për Demokraci dhe Ndërmjetësim Konferencën “Për fuqizimin e komunitetit në parandalimin e çdo forme të ekstremizmit të dhunshëm përmes modelit Shkolla Qendër Komunitare në bashkinë Kamëz.

Qëllimi i konferencës ishte ndarja e eksperiencave dhe praktikave pozitive të përftuara gjatë zbatimit të modelit “Shkolla Qendër Komunitare drejt një Komuniteti të Qëndrueshëm” në bashkinë Kamëz.