Gjatë muajit maj nxënës nga gjimnazi “Ali Asllani” Kotë, shkolla “Oso Kuka” Shkodër, gjimnazi “Arbëria” Bulqizë, shkolla Halit Berzeshta Prrenjas, gjimnazi “Arif Halil Sulaj” Mamurras, gjimnazi Haxhi Qehaj Rrogozhinë, gjimnazi Dom Nikollë Kaçorri, shkolla Isa Boletini Vorë, shkolla Sadik Stavileci Kashar, gjimnazi “Zihni Magani” Peqin, gjimnazi “Ibrahim Rugova” Kamez, gjimnazi “Shote Galica” Fushë-Krujë, gjimnazi Skënderbeu Krujë, gjimnazi “16 Shtatori” Shijak, gjimnazi Manez dhe gjimnazi Tomorr Sinani Cërrik u trajnuan rreth edukimit mediatik nga eksperti Blendi Salaj.
Të rinjtë mësuan më shumë mbi përdorimin e medias, kryesisht asaj sociale, me qëllim eliminimin e lajmeve të rreme. Pas përfundimit të trajnimeve vërehet se ka një interes të lartë nga të rinjtë për të mësuar më shumë mbi median. Gjatë trajnimeve të rinjtë shfaqën interes dhe u përfshinë për të mësuar më shumë, jo vetëm mbi çfarë quajmë media, por edhe mbi rëndësinë e saj në ndërtimin e koncepteve dhe botëkuptimeve.
Gjithashtu, të rinjtë u përfshinë në diskutime mbi rolin e drejtuesve, konfliktet e mundshme të interesit, dhe fenomenin e lajmeve të rreme “fake news” në mediat vendase dhe botërore.
Trajnime me tematika të ngjashme nxjerrin në pah nevojën për më shumë edukim mediatik në gjimnaze.
