SHKOLLA IME

Shkolla Ime ka për qëllim informimin e publikut rreth aktiviteteve që zhvillohen në Shqipëri, në kuadër të zhvillimit të modelit shumaktorial "Shkolla si Qendër Komunitare" (SHQK).

Duke pasur parasysh nevojën e ofrimit të një informacioni më të plotë rreth Shkollave Qendër Komunitare në Shqipëri, në mënyrë të përditësuar, Instituti për Demokraci dhe Ndërmjetësim (IDM) vendosi të ndërtojë këtë faqe, e cila do të shërbejë si një medium i përbashkët i të gjithë aktorëve që zbatojnë modelin SHQK si dhe do të informojë komunitetin e interesuar mbi të gjitha aktivitetet e zhvilluara në këtë drejtim. Për këtë, është e rëndësishme që ofrimi i informacionit nga zbatuesit e projekteve SHQK të jetë sa më korrekt.

Qëllimi

Kjo faqe ka për qëllim krijimin e një hapësire virtuale ku komuniteti i shkollës, bashkitë, policia dhe aktorët e tjerë vendorë të mund të mbështesin shkollat në krijimin e një komuniteti të qëndrueshëm. Hapësira do të shërbejë si një medium i përbashkët komunikimi i të gjithë aktorëve që zbatojnë modelin SHQK, duke informuar komunitetin e interesuar mbi të gjitha aktivitetet e zhvilluara.

Shkollat

22 shkolla të mesme të përgjithshme në Peqin, Cërrik, Vorë, Kashar, Fushë-Krujë, Krujë, Durrës, Shijak, Manëz, Kamëz, Selenicë, Shkodër, Bulqizë, Prrenjas, Rrogozhinë, Mamurras, Vau i Dejës, Peshkopi, Roskovec, Gjirokastër, Shkozë dhe Pogradec; janë bërë pjesë e qasjes shumaktoriale SHQK, duke e vënë theksin tek fuqizimi i të rinjve dhe krijimi i komuniteteve të qëndrueshme në nivel vendor.

Aktorët

Eksperienca e ngritur mbi modelin “Shkolla Qendër Komunitare”, integron ndërveprimin e institucioneve kryesore në nivel vendor me komunitetet vendore. Aktorë që luajnë një rol të rëndësishëm në mbarëvajtjen e kësaj nisme janë Bashkitë, Njësitë Administrative Vendore, Komisariatet e Policisë, Komunitetet, Organizatat e Shoqërisë Civile dhe Shkollat nëpërmjet stafit të mësuesve dhe nxënësve.

Kujt i shërben?

Kjo nismë do t’i shërbejë si model pozitiv edhe shkollave të tjera të mesme, të cilat janë të interesuara të angazhohen, si dhe institucioneve vendore, kombëtare dhe ndërkombëtare, që duan të mbështesin këtë qasje. IDM mirëpret çdo komunikim nga shkolla të tjera SHQK, individë dhe institucione vendore, në dobi të përpjekjeve të vazhdueshme për krijimin e komuniteteve sa më të qëndrueshme kundër ekstremizmit të dhunshëm.

Bashkëpunëtorë

  • Shkolla
  • Bashkia
  • Policia
  • OSHC
  • Komuniteti
HISTORIKU
Prill 2022

Qasja shumaktoriale SHQK shtrihet në 6 gjimnaze të reja: “Imzot Lucjan Avgustini” Vau Dejës; “Said Najdeni” Peshkopi; “Adem Vrapi” Roskovec; “Asim Zeneli” Gjirokastër; “Abdulla Keta” Shkozë, Tiranë; dhe “Muharrem Çollaku” Pogradec.

Janar 2021

IDM zgjeron modelin SHQK në gjimnazet "Ali Asllani", Kote-Selenicë; "Oso Kuka", Shkodër; "Arbëria", Bulqizë; "Halit Bërzeshta", Prrenjas; "Haxhi Qehaj", Rrogozhinë; "Arif Halil Sulaj" Mamurras.

Tetor 2019

IDM shtrin modelin SHQK në gjimanzet "Skënderbeu" Krujë, "Shote Galica" Fushë-Krujë, "Isa Boletini" Vorë, "Sadik Stavileci" Kashar, "16 Shtatori" Shijak, "Dom Nikoll Kaçorri" Durrës, dhe Gjimnazi Manëz.

Korrik 2019

IDM zhvillon qasjes shumaktoriale SHQK në gjimnazin "Ibrahim Rugova" në Kamëz.

Tetor 2017

IDM Albania zhvillon modelin shumaktorial SHQK për gjimnazin "Tomorr Sinani" në Cërrik dhe për gjimnazin "Zihni Magani" në Peqin.

2015-2016

Komuniteti vendor mbështet SHQK në 19 shkolla – Bulqizë, Gramsh, Kurbin, Librazhd, Malësi e Madhe, Pukë, Shkodër dhe Tiranë.

2015-2016

Anëtarët e Kabinetit Qeveritar zbatojnë SHQK në 9 shkolla – Dibër, Durrës, Korçë, Shkodër, Tiranë.

2015-2016

Save the Children zbaton SHQK në 3 shkolla – Elbasan, Korçë, Mat.

2015-2016

Këshilli i Evropës zbaton SHQK në 6 shkolla – Kolonjë, Korçë, Shkodër, Tiranë, Tropojë, Vlorë.

2015-2016

Peace Corps zbaton SHQK në 6 shkolla – Elbasan, Gramsh, Kuçovë, Pukë, Sarandë, Shkodër.

2015-2016

Terre des Hommes zbaton SHQK në 10 shkolla – Durrës, Fier, Elbasan, Korçë, dhe Tiranë.

2015-2016

UNICEF zbaton SHQK në 12 shkolla – Berat, Durrës dhe Korçë.

 

Në vijim

World Vision zbaton SHQK në 31 shkolla – Dibër, Durrës, Elbasan, Librazhd, Korçë, Shkodër dhe Tiranë.

Mars 2014

Miratohen standardet e Shkollës si Qendër Komunitare nga Ministria e Arsimit dhe Rinisë.

Fillimi

PËRTEJ KUFIJVE TË SHKOLLËS DREJT NJË KOMUNITETI TË QËNDRUESHËM

TOP