“Shkolla Qendër Komunitare” – Rezultatet e qasjes shumaktoriale SHQK në shifra
Në qendër të modelit shumaktorial Shkolla Qendër Komunitare qëndron partneriteti horizontal
dhe ndarja e përgjegjësive mes institucioneve vendore me nxënësit, mësuesit, prindërit, grupet
rinore, komunitetet fetare, dhe grupet e interesit. Zbatimi i suksesshëm i këtij modeli arrihet kur
secili institucion dhe aktor vendor i përfshirë e ndan këtë vizion dhe dëshmon udhëheqje në
zbatimin e tij.
Për t’u njohur me arritjet e deritanishme të qasjes shumaktoriale “Shkolla Qendër Komunitare” në nivel lokal, përmes angazhimit të të rinjve në mbi 30 shkolla të mesme nga 25 bashki të vendit, mund të shfletoni fletëpalosjen e projektit.
- Published in Aktivitete, Publikime
Edukimi Mediatik – Dezinformimi dhe lajmet e rreme në epokën digjitale
Cikël trajnimesh për Edukimin Mediatik në Kavajë
Kukës
Kombinat
Elbasan
Berat
Vlorë
Skrapar
Ndërsa media sociale po dominon ditën e sotme si një platformë kryesore komunikimi mes të rinjve, është thelbësore fuqizimi i tyre me aftësitë për të qenë më kritikë në përzgjedhjen e informacioneve veçanërisht në mediat sociale, dhe për të dhënë mesazhin në mënyrë të besueshme.
Për të adresuar këtë nevojë, u organizuan një sërë trajnimesh për edukimin mediatik në shtatë shkollat e reja që i janë bashkuar së fundmi qasjes shumaktoriale Shkolla Qendër Komunitare.
Me Shume…- Published in Aktivitete
“Sporti bashkon të rinjtë” – Nismë rrjetëzimi mes gjimnazeve SHQK
“Sporti bashkon të rinjtë” është nisma e ndërmarrë së fundmi nga dy gjimnazet pjesë e qasjes shumaktoriale Shkolla Qendër Komunitare – gjimnazi „Isa Boletini“ në Vorë dhe shkolla e mesme e bashkuar „Imzot Lucjan Avgustini“ e Vaut të Dejës. Kjo nisëm synon promovimin e socializimit mes të rinjve përmes aktiviteteve të përbashkëta sportive.
Me Shume…- Published in Aktivitete
Ditët e hapura në shkollë – Shkollë miqësore dhe e hapur për komunitetin
Në kuadër të modelit Shkolla Qendër Komunitare, gjimnazi “Myslym Keta” në Tiranë ndërmori një nisëm për të organizuar ditët e hapura në shkollë. Kjo nisëm kishte për qëllim nxitjen e aktivizimit të të rinjve dhe hapjen e shkollës ndaj komunitetit përreth.
Të rinjtë gjimnazistë, nën kujdesin e mësuesve, përgatitën një aktivitet të plotë artistik, kulturor e sportiv, të cilin e prezantuan më së miri para një publiku të gjerë prindërish, mësuesish, përfaqësues të njësisë administrative Kombinat, dhe bashkëmoshatarë të tyre.
Me Shume…- Published in Aktivitete
Të rinjtë e Kamzës në një takim frymëzues për modën e qëndrueshme dhe riciklimin
“Klubi i stilimit”, i krijuar në shkollën e mesme “Ibrahim Rugova” në Kamëz përmes qasjes shumaktoriale “Shkolla Qendër Komunitare”, vazhdon të fuqizojë të rinjtë duke ofruar mundësi të vazhdueshme për zhvillimin e aftësive të tyre dhe rritjen profesionale. Si pjesë e kësaj nisme, një grup nxënësish nga Klubi i stilimit, patën privilegjin të takojnë stilisten amerikane të modës së qëndrueshme Noor Bchara.
Me Shume…- Published in Aktivitete
Konferenca Kombëtare: “Shkolla Qendër Komunitare” – Modeli shumaktorial për komunitete të qëndrueshme në Shqipëri
246 pjesëmarrës nga gjimnazet, bashkitë, drejtoritë vendore të policisë, zyrat vendore arsimore, të rinj dhe organizata rinore u mblodhën së bashku në Konferencën Kombëtare të organizuar nga IDM Albania “Shkolla Qendër Komunitare” – Modeli shumaktorial për komunitete të qëndrueshme në Shqipëri.
Përvojat e shkollave për zgjerimin e modelit SHQK; Fuqizimi i të rinjve dhe rritja e aktivizmit rinor; dhe Qëndrueshmëria e modelit SHQK për të trajtuar kërcënimet e reja të ekstremizmit të dhunshëm në komunitet ishin në qendër të fjalimeve të mbajtuara nga të gjithë aktorët e përfshirë tashmë prej 7 vitesh në zbatimin e modelit shumaktorial SHQK në Shqipëri.
Me Shume…- Published in Aktivitete
Klubet rinore verore Shkodër 2024
Për të dytin vit radhazi, shkolla e mesme “Oso Kuka” në Shkodër organizoi Klubet Rinore Verore, një nisëm e krijuar për të angazhuar të rinjtë në një sërë aktivitetesh sportive, arti dhe psiko-sociale. Nën kujdesin e mësuesve të përkushtuar, Klubet Verore mirëpritën jo vetëm nxënës të shkollës, por edhe të rinj nga komuniteti përreth, duke krijuar një mjedis gjithëpërfshirës që inkurajonte pjesëmarrjen e përditshme të fëmijëve dhe të të rinjve.
Me Shume…- Published in Aktivitete
Klubet verore për të rinjtë e Prrenjasit
Për herë të parë këtë vit, gjimnazi “Halit Bërzeshta” në Prrenjas organizoi kampin veror rinor, duke krijuar një mundësi emocionuese për të rinjtë dhe komunitetin e gjerë të qytetit, të kalojnë kohë cilësore gjatë verës.
Kjo ide erdhi nga modelet e suksesshme të klubeve verore vitin e kaluar, si dhe duke përfituar nga përmirësimet e bëra në mjedisin e jashtëm të shkollës. Stafi i shkollës u angazhua vullnetarisht për të lehtësuar një sërë aktivitetesh, duke ndërthurur argëtimin me përmbajtjen edukative dhe ofruar një përvojë kuptimplotë për të rinjtë dhe fëmijët e komunitetit përreth.
Me Shume…- Published in Aktivitete
Klubet verore në Shijak
Bazuar në suksesin e Klubeve Rinore në gjimnazin “16 Shtatori” vitin e kaluar, dhe ndikimin e tyre pozitiv në komunitet, Bashkia Shijak ndërmorri nismën për organizimin e klubeve verore në qytet. Nëpërmjet kësaj nisme, synohet që qasja SHQK të zgjerohet edhe në shkollat e tjera, duke shërbyer si katalizator për të promovuar modelin pozitiv dhe për t’ju imponuar të rinjve ndryshime pozitive në jetën e tyre të përditshme. Gjithashtu, këto klube janë një mundësi ku të rinjtë jo vetëm marrin njohuri rreth fushave përkatëse, por edhe miqësohen me njëri-tjetrin e ndajnë ide dhe pikëpamje edukative mes tyre.
Me Shume…- Published in Aktivitete
Përmirësimi i mjediseve të jashtme të shkollës në dobi të komunitetit
Gjimnazi “Halit Berzeshta” në Prrenjas ka ndërmarrë një nismë për të përmirësuar mjedisin e saj të jashtëm, duke synuar jo vetëm angazhimin e të rinjve por dhe shtimin e hapësirave clodhëse për komunitetin.
Shkolla ka një hapësirë shumë të madhe përreth, e cila me pak përmirësime mund të vendoset lehtësisht në shërbim të komunitetit. Kjo ide erdhi nga stafi i shkollës, me dëshirën e mirë për t’i nxitur sa më shumë të rinjtë drejt aktivizmit dhe veprimtarive vullnetare, përmes përdorimit të burimeve të ndryshme në dispozicion. Gjithashtu, shkolla qëndron e hapur edhe gjatë pasdites, ku shumë të rinj dhe fëmijë praktikojnë disiplina të ndryshme sportive në oborrin e shkollës.
Me Shume…- Published in Aktivitete