Arritjet e SHQK në shifra për projektin “Fuqizimi i komunitetit lokal në parandalimin e çdo forme të ekstremizmit të dhunshëm nëpërmjet masave parandaluese shumë-aktoriale në Bashkinë Kamëz”, i zbatuar nga Instituti për Demokraci dhe Ndërmjetësim (IDM) me mbështetjen financiare të Bashkimit Evropian nëpërmjet Qendrës së Ekselencës për parandalimin e ekstremizmit të dhunshëm Hedayah.

“Shkolla Qendër Komunitare” përbën një instrument të rëndësishëm në forcimin e komuniteteve vendore nëpërmjet arsimimit, zhvillimit të kapaciteteve, nxitjen e qytetarisë aktive, fuqizimin e grave, si dhe informimin dhe ndërgjegjësimin e komunitetit për të luftuar intolerancën, diskriminimin dhe paragjykimet.

Ky model synon ta kthejë shkollën në vendin ku ndërtohet partneriteti midis institucioneve vendore – shkollës – familjes – komunitetit – grupeve të interesit, si një mjedis që është në shërbim dhe në bashkëveprim me komunitetin; që kontribuon në zhvillimin e të rinjve dhe nxit qytetarinë aktive; që mbështet zhvillimin e komuniteteve si nga pikëpamja e sigurisë vendore ashtu dhe në atë të angazhimit të tyre në vendimmarrje dhe rritjen e demokracisë vendore.

Shkolla si qendër komunitare dallon për fokusin e saj në zhvillimin akademik të fëmijëve dhe të rinjve, angazhimin dhe kontributin qytetar, mbështetjen e familjes, shërbimet sociale me fokus sigurinë dhe shërbimet komunitare.

SHQK ndërton bashkëpunime midis aktorëve në komunitet, prindërve dhe shkollës, duke u fokusuar në mbështetjen e zhvillimit të fëmijëve dhe te rinjve për përmirësimin e arritjeve të tyre. SHQK synon zhvillimin cilësor të shkollës dhe aftësimin e fëmijëve dhe të rinjve si qytetar të gatshëm dhe të aftë për të kontribuar në komunitet.

Përfitimet që ofrojnë shkollat si qendër komunitare janë të shumta dhe të shumëfishta. Ato sigurojnë, gjithëpërfshirje pa dallime gjinore dhe të natyrave të tjera, arritje më të mira të fëmijëve dhe të rinjve, garanci për një shëndet më të fortë, pjesëmarrje aktive në vendimmarrje të nxënësve, përfshirje dhe kontribut të gjerë të familjes, hapje ndaj komunitetit dhe strukturave vendore dhe mbrojtje për fëmijët dhe të rinjtë.

Për më shumë informacion mund të lëxoni materialin e plotë mëposhtë.

“Shkolla si qendër komunitare” përbën një instrument të rëndësishëm në forcimin e komuniteteve vendore.

Nëpërmjet kësaj guide synohet lehtësimi i procesit të vlerësimit të treguesve të standardeve të Shkollës Qendër Komunitare (ShQK), si dhe të jepen udhëzime për plotësimin e portalit nga aktorët që ndihmojnë në hartimin dhe zbatimin e planit të ShQK-së në shkollë.

Për më shumë informacion mund të referoheni manualit për SHQK të përgatitur nga World Vision