“Shkolla Qendër Komunitare” – Rezultatet e qasjes shumaktoriale SHQK në shifra
Në qendër të modelit shumaktorial Shkolla Qendër Komunitare qëndron partneriteti horizontal
dhe ndarja e përgjegjësive mes institucioneve vendore me nxënësit, mësuesit, prindërit, grupet
rinore, komunitetet fetare, dhe grupet e interesit. Zbatimi i suksesshëm i këtij modeli arrihet kur
secili institucion dhe aktor vendor i përfshirë e ndan këtë vizion dhe dëshmon udhëheqje në
zbatimin e tij.
Për t’u njohur me arritjet e deritanishme të qasjes shumaktoriale “Shkolla Qendër Komunitare” në nivel lokal, përmes angazhimit të të rinjve në mbi 30 shkolla të mesme nga 25 bashki të vendit, mund të shfletoni fletëpalosjen e projektit.
- Published in Aktivitete, Publikime
Buxhetimi rinor me pjesëmarrje
shkolla dhe të rinj u përfshinë në 
dëgjesa publike me përfaqësues të pushtetit vendor në disa qytete, në kuadër të procesit të hartimit të buxhetit për vitin 2025 përgjatë Nëntor – Dhjetor 2024.
Të rinjtë parashtruan problematikat dhe nevojat e tyre dhe advokuan për më shumë mbështetje dhe aktivitete rinore në 2025.
Kjo iniciativë synon t’i promovojë të rinjtë si aktorë ndryshimi në komunitet, duke ndërtuar një kulturë bashkëpunimi dhe advokimi në nivel vendor, dhe duke u kthyer në një praktikë të mirë për buxhetimin me pjesëmarrje në vitet e ardhshme.
Me Shume…- Published in Aktivitete, Publikime
“Shkolla Qendër Komunitare” – Modeli shumaktorial për komunitete të qëndrueshme në Shqipëri
Prej tetorit 2017, me mbështetjen e Ambasadës së Shteteve të Bashkuara të Amerikës, Instituti për Demokraci dhe Ndërmjetësim (IDM) është angazhuar në një proces ndërtues dhe advokues për modelin “Shkolla Qendër Komunitare“ (SHQK) në mbi 30 shkolla të mesme nga 25 bashki të vendit. IDM ka rritur përpjekjet për të zgjeruar hartën e zbatimit të qasjes SHQK, duke synuar nxitjen e bashkëpunimit horizontal ndërmjet institucioneve vendore duke marrë përgjegjësi të përbashkëta në aktivizëm, si dhe duke fuqizuar të rinjtë dhe aktorët e tjerë si agjentë të ndryshimit pozitiv në komunitet.
Rezultatet e punës sonë mund t’i shihni në dokumentarin e përgatitur në kuadër të Konferencës Kombëtare: “Shkolla Qendër Komunitare – Modeli shumaktorial për komunitete të qëndrueshme në Shqipëri”
Me Shume…Drejtësia Restauruese – Normat dhe praktika e saj në mjediset shkollore
Modul trajnimi me stafin e shkollave të mesme të përgjithshme mbi zgjidhjen alternative të konflikteve në mjediset shkollore.
Ky modul është përgatitur në kuadër të qasjes shumaktoriale “Shkolla Qendër Komunitare”, me synimin për të ndarë informacione dhe njohuri që lidhen me ushtrimin e funksionit/misionit të stafit akademik në drejtimin e institucioneve të arsimit.
Modulet përmbajnë njohuri teorike dhe veprimtari praktike mbi zgjidhjen e konflikteve në mjediset shkollore me anë të ndërmjetësimit, për të mënjanuar konfliktet në vijim dhe për të krijuar një mjedis arsimor sa më të shëndetshëm për mësuesit dhe nxënësit.
Për më shumë mund të shikoni broshurën…
- Published in Publikime
Java Amerikane 2023 #AmericaWeek
Java Amerikane 2023 solli një larmishmëri aktivitetesh të ideuara nga të rinjtë dedikuar historisë, kulturës, artit, sportit dhe kinemasë amerikane, me përfshirjen e mësuesve, prindërve, dhe komunitetit të gjerë, për të festuar së bashku marrëdhënien midis dy kulturave Shqiptaro – Amerikane.
Me Shume…- Published in Aktivitete, Publikime
Buletini mujor | Shtator 2023
Buletini i radhës për projektit “Shkolla Qendër Komunitare”, sjell tek ju një përmbledhje të aktiviteteve të organizuara nga të rinjtë dhe të gjithë aktorët e përfshirë në zbatimin e qasjes shumaktoriale vendore SHQK, të realizuara përgjatë muajit Shtator 2023.
Na ndiqni në muajt në vijim për të tjera aktivitete dhe nisma që do të realizojmë bashkarisht me të rinjtë.
- Published in Publikime
Arritjet ndër vite të qasjes “Shkolla Qendër Komunitare” #ShkollaIme
Përgjatë 7 viteve angazhim, IDM ka shtuar vit pas viti numrin e shkollave të përfshira në qasjen shumaktoriale “Shkolla Qendër Komunitare”, duke përfshirë mbi 30 gjimnaze në qytete të ndryshme të vendit.
Ecuria e punës sonë ka përfshirë mbështetje dhe ndërtim kapacitetesh të aktorëve me bazë shkollën, të rinjtë, mësues e prindër, sikundërse aktorë të tjerë të përfshirë si përfaqësues të qeverisjes vendore, policisë së shtetit dhe shoqërisë civile. Mbështetja ka synuar shndërrimin e shkollës dhe aktorëve rreth saj në agjentë ndryshimi pozitiv në komunitet dhe nxitjen e institucioneve vendore për të marrë përgjegjësi të përbashkëta në aktivizimin e të rinjve dhe rritjen e qëndresës komunitare.
Suksesi i zbatimit të qasjes shumaktoriale SHQK në nivel vendor qëndron tek angazhimi i përbashkët, pro-aktiv dhe i qëndrueshëm, si dhe ndarja e përgjegjësive ndërmjet të gjithë aktorëve të përfshirë në zbatimin e modelit Shkolla Qendër Komunitare.
Me Shume…- Published in Aktivitete, Publikime
Buletin i dedikuar | Gusht 2023
Buletini i dedikur në kuadër të projektit “Shkolla Qendër Komunitare”, sjell tek ju një përmbledhje të nismave të organizuara nga të rinjtë dhe gjimnazet e përfshirë në zbatimin e qasjes shumaktoriale SHQK në nivel vendor.
Përgjatë muajve Korrik – Gusht 2023, disa shkolla u angazhuan në realizimin e Klubeve Rinore Verore, duke ndihmuar të rinjtë të angazhohen në aktivitete të ndryshme si: sport, art dhe aktivitete psiko-sociale. Klubet kanë bërë të mundur që të rinjtë të mësojnë nga njëri-tjetri, të bashkëveprojnë, të krijojnë miqësi të reja dhe modele pozitive të ndërveprimit në shoqëri.
Na ndiqni në muajt në vijim për të tjera aktivitete dhe nisma që do të realizojmë bashkarisht me të rinjtë.
- Published in Publikime
Fushata kombëtare #MyFreedomDay 2023
#MyFreedomDay është një iniciativë e CNN International, e sjellë për herë të parë në Shqipëri në Mars 2022, ku 23 shkollat e mesme shqiptare marrin pjesë krahas 98 shteteve të tjera të botës. Kjo lëvizje udhëhiqet nga të rinjtë me qëllimin për të ngritur zërin kolektivisht dhe rritur ndërgjegjësimin kundër skllavërisë moderne.
Kjo fushatë drejtohet nga të rinjtë për të rritur ndërgjegjësimin për trafikimin e qenieve njerëzore si brenda shkollave dhe në komunitetet e tyre.
Një sërë aktivitetesh ndërgjegjësuese janë ideuar nga të rinjtë në nivel lokal, dhe përfshijnë piktura, postera, video-mesazhe, fletëpalosje, biseda në komunitet, prezantime në grupe të rinjsh, pjesë teatrale etj.
Me Shume…- Published in Aktivitete, Publikime
Buletini mujor | Dhjetor 2022
Buletini i radhës për projektit “Shkolla Qendër Komunitare (SHQK) – Drejt rrjetit kombëtar të komuniteteve të qëndrueshme në Shqipëri”, sjell tek ju një përmbledhje të aktiviteteve të organizuara nga të rinjtë dhe të gjithë aktorët e përfshirë në zbatimin e qasjes shumë aktoriale vendore SHQK, të realizuara përgjatë muajit Dhjetor 2022.
Na ndiqni në muajt në vijim për të tjera aktivitete dhe nisma që do të realizojmë bashkarisht me të rinjtë.
- Published in Publikime