Për të dytin vit radhazi, shkolla e mesme “Oso Kuka” në Shkodër organizoi Klubet Rinore Verore, një nisëm e krijuar për të angazhuar të rinjtë në një sërë aktivitetesh sportive, arti dhe psiko-sociale. Nën kujdesin e mësuesve të përkushtuar, Klubet Verore mirëpritën jo vetëm nxënës të shkollës, por edhe të rinj nga komuniteti përreth, duke krijuar një mjedis gjithëpërfshirës që inkurajonte pjesëmarrjen e përditshme të fëmijëve dhe të të rinjve.
Këto klube janë një mundësi ku të rinjtë jo vetëm marrin njohuri rreth fushave të ndryshme, por edhe krijojnë miqësi të reja dhe ndajnë ide e pikëpamje edukative mes tyre. Gjithashtu, aktivizimi i të rinjve në grupe rinore shërben për të promovuar modelin pozitiv mes bashkëmoshatarëve dhe në komunitet.
Ndikimi pozitiv i klubeve verore të gjimnazit “Oso Kuka” u shtri përtej përfitimeve të menjëhershme të angazhimit të të rinjve në këtë shkollë. Suksesi i programit nxiti një bashkëpunim më të gjerë midis Bashkisë së Shkodrës dhe shkollave të tjera në të gjithë qytetin, duke frymëzuar një angazhim kolektiv për zhvillimin e të rinjve dhe pasurimin e komunitetit.
