Cikël trajnimesh për Edukimin Mediatik në Kavajë
Kukës
Kombinat
Elbasan
Berat
Vlorë
Skrapar
Ndërsa media sociale po dominon ditën e sotme si një platformë kryesore komunikimi mes të rinjve, është thelbësore fuqizimi i tyre me aftësitë për të qenë më kritikë në përzgjedhjen e informacioneve veçanërisht në mediat sociale, dhe për të dhënë mesazhin në mënyrë të besueshme.
Për të adresuar këtë nevojë, u organizuan një sërë trajnimesh për edukimin mediatik në shtatë shkollat e reja që i janë bashkuar së fundmi qasjes shumaktoriale Shkolla Qendër Komunitare.
Në këto trajnime morën pjesë gjithsej 131 nxënës nga shkollat e mesme të Kukësit, Kavajës, Beratit, Skraparit, Elbasanit, Tiranës dhe Vlorës. Trajnimi kishte në fokus rritjen e aftësive për të lundruar në mënyrë të sigurt në internet; zhvillimin e mendimit kritik për të analizuar dhe vlerësuar përmbajtjen e informacioneve online; dhe ngritjen e kapaciteteve mbi dezinformimin, lajmet e rreme dhe lirinë e fjalës.
Trajnimi jo vetëm që u ofroi të rinjve njohuri thelbësore mbi rëndësinë e burimeve të sigurta të informacionit, por gjithashtu i nxiti ata të ndajnë këto njohuri me bashkëmoshatarët e tyre. Në këtë mënyrë, të rinjtë rrisin ndërgjegjësimin mbi mënyrat e duhura për të luftuar dezinformimin dhe lajmet e rreme dhe vlerësuar në mënyrë kritike dhe me përgjegjësi përmbajtjet në internet.
