Për fuqizimin e të rinjve dhe krijimin e komuniteteve të qëndrueshme ndaj ekstremizmit të dhunshëm
Instituti për Demokraci dhe Ndërmjetësim (IDM), me mbështetjen e Ambasadës së SHBA-ve në Shqipëri dhe në bashkërendim me Ministrinë e Arsimit dhe Sportit, po zbaton projektin “Zgjerimi i rrjetit të Komuniteteve të Qëndrueshme në Shqipëri përmes modelit shumë-aktorial Shkolla Qendër Komunitare (SHQK)” në 16 bashki dhe shkolla të mesme të përgjithshme të vendit.
Projekti ka si qëllim zhvillimin e qasjes shumë-aktoriale SHQK përmes ndërtimit të një partneriteti strategjik ndërmjet institucioneve vendore – Shkollës – Bashkisë – Policisë, si dhe midis tyre dhe komunitetit të prindërve, nxënësve, të rinjve dhe organizatave të shoqërisë civile, për të krijuar komunitete të shëndetshme dhe të qëndrueshme ndaj ekstremizmit të dhunshëm.
Shkollat e përfshira në projekt janë: “Oso Kuka” Shkodër | “Arbëria” Bulqizë | “Halit Bërzeshta” Prrenjas | “Haxhi Qehaj” Rrogozhinë | “Arif Halil Sulaj” Mamurras, Kurbin | “Ali Aslani” Kotë, Selenicë | “Tomorr Sinani” Cërrik | “Zihni Magani” Peqin | “Dom Nikoll Kaçorri” Durrës | “Isa Boletini” Vorë | “Sadik Stavileci” Kashar, Tiranë | “Shote Galica” Fushë-Krujë | “Skënderbeu” Krujë | “16 Shtatori” Shijak | Shkolla Manëz, Durrës | “Ibrahim Rugova” Kamëz.
Në kuadër të komponentit për fuqizimin e të rinjve dhe aktivizimin në komunitet, IDM hap thirrjen për projekt-ide për nisma komunitare dhe aktivitete rrjetëzimi në nivel vendor, në përshtatje me nevojat dhe problematikat konkrete të të rinjve dhe komunitetit.
Kjo thirrje është e hapur për të gjithë aktorët vendorë të përfshirë në zbatimin e modelit shumë aktorial Shkolla Qendër Komunitare në 16 shkolla të mesme dhe bashki me të cilat IDM po bashkëpunon.
Për më shumë informacion gjeni më poshtë: