Me qëllim të rritjes së njohurive të të rinjve mbi mundësitë e zhvillimit të karrierës, IDM organizoi një takim informues në lidhje me studimet e arsimit të lartë në SHBA dhe procesin e aplikimit.
Në total, 54 të rinj nga 16 shkolla të mesme të përgjithshme pjesë e projektit SHQK ishin pjesë e sesionin informues mbi procesin e aplikimit për studime në universitetet në Amerikë dhe mundësitë e studimit atje. Të rinjtë nga dy shkolla të mesme të tjera që ftohen nga bashkëmoshatarët e tyre në aktivitete të ndryshme SHQK (si shkolla e mesme Mustafa Kemal Ataturk në Pajovë / Peqin), ishin gjithashtu pjesë e takimit.
Takimi u zhvillua me Këshilluesen për arsimin e lartë në Amerikë, znj. Aida Hudhri, në formë e një bashkëbisedimi të lirë. Znj. Hudhri, dha një përmbledhje të sistemit të arsimit të lartë në Sh.B.A dhe prezantoi hapat për procesin e aplikimit si student ndërkombëtar.
Studentët bënë shumë pyetje në lidhje me procedurat, tarifat e shkollimit dhe kriteret për të përmbushur për të ndjekur arsimin e lartë në Shtetet e Bashkuara. Gjithashtu, takimi u regjistrua dhe u postua në kanalet sociale të projektit SHQK për të mundësuar një numër më të madh studentësh që nuk mund të merrnin pjesë në takim në kohë reale të njiheshin me informacionin e ndarë.
Për më shumë informacion për procesin e aplikimit mund të vizitoni:
FB: https://www.facebook.com/EdUSA.Albania
Web: https://educationusa.state.gov/
Mund të ndiqni takimin e plotë këtu.
#SHQK
#PërKomunitetin