“Shkolla si qendër komunitare” përbën një instrument të rëndësishëm në forcimin e komuniteteve vendore.
Ky model synon ta kthejë shkollën në vendin ku ndërtohet
partneriteti institucionet qeverisëse vendore-shkollë- familje-komunitet, si një mjedis që është në shërbim dhe në bashkëveprim me komunitetin; që kontribuon në zhvillimin e të rinjve dhe angazhimin qytetar; që mbështet familjet dhe zhvillimin e komuniteteve si nga pikëpamja e sigurisë vendore ashtu dhe në atë të angazhimit të tyre në vendimmarrje dhe rritjen e demokracisë vendore.
Dimensioni vendor është i një rëndësie të veçantë, nëpërmjet të cilit i kushtohet vëmendje “mjedisit” (nga pikëpamja e zhvillimit ekonomik, shoqëror, ndër-kulturor, sigurisë vendore, demokracisë vendore) si element favorizues ose jo i fenomeneve negative, i kushtohet rëndësi familjeve dhe komunitetit në tërësinë e tij.