Në datën 28 Janar 2021, Instituti për Demokraci dhe Ndërmjetësim Konferencën “Për fuqizimin e komunitetit në parandalimin e çdo forme të ekstremizmit të dhunshëm përmes modelit Shkolla Qendër Komunitare në bashkinë Kamëz.
Qëllimi i konferencës ishte ndarja e eksperiencave dhe praktikave pozitive të përftuara gjatë zbatimit të modelit “Shkolla Qendër Komunitare drejt një Komuniteti të Qëndrueshëm” në bashkinë Kamëz.
Modeli i bazuar në qasjen shumë-aktoriale në nivel vendor nxit bashkëpunimin ndërmjet institucioneve vendore (Bashki, Polici, Shkollë) dhe ndërveprimin e tyre me komunitetin dhe të rinjtë në përpjekjet për të krijuar komunitete të shëndetshme dhe të qëndrueshme ndaj ekstremizmit të dhunshëm.
Gjatë konferencës morën pjesë përfaqësues të Qendrës së Ekselencës për Parandalimin e Ekstremizmit të Dhunshëm Hedayah, përfaqësues të Ministrisë së Arsimit, Sportit dhe Rinisë dhe institucionet arsimore në varësi, Qendra e Koordinimit për Çështjet e Ekstremizmit të Dhunshëm, përfaqësues nga Bashkia Kamëz, Policia e Shtetit, Komunitetet Fetare, stafi dhe nxënësit e Gjimnazit “Ibrahim Rugova Kamëz”, prindër, organizata rinore, dhe publiku i gjerë.
Kjo konferencë u zhvillua në kuadër të projektit “Fuqizimi i komunitetit në parandalimin e çdo forme të ekstremizmit të dhunshëm përmes modelit Shkolla Qendër Komunitare në bashkinë Kamëz”, zbatuar nga Instituti për Demokraci dhe Ndërmjetësim, me mbështetjen financiare të Qendrës së Ekselencës për Parandalimin e Ekstremizmit të Dhunshëm Hedayah,
Mund të ndiqni konferencën në Youtube dhe Facebook.
#SHQK #PërKomunitetin
