Të rinjtë e 16 shkollave të mesme, pjesë e projektit “Shkolla Qendër Komunitare”, janë angazhuar në aktivitete të ndryshme komunitare për të përkujtuar Ditën e Evropës.
Nxënësit e gjimnazit “Sadik Stavileci” Kashar zhvilluan një aktivitet informues për të rinjtë në mjediset e shkollës. Nxënësit kishin përgatitur vizatime dhe video sensibilizuese për Ditën e Evropës dhe rëndësinë e saj në promovimin e të drejtave të njeriut.
Nxënësit nga shkolla “Dom Nikoll Kacorri” Durrës kishin përgatitur postera, piktura dhe video informuese mbi historikun e krijimit të Bashkimit Evropian.
Stafi i shkollës “Arbëria” Bulqizë, së bashku me të rinjtë, zhvilluan një bashkëbisedim me përfaqësues të bashkisë Bulqizë për të marrë më shumë informacion mbi kuptimin e kësaj dite, të drejtat e njeriut dhe institucionet përgjegjës për respektimin e tyre.
Në kuadër të festimeve për Ditën e Evropës nxënësit nga gjimnazi “Zihni Magani” Peqin dhe gjimnazi “M.K.Ataturk” Pajove zhvilluan një aktivitet të përbashkët bashkëbisedimi me përfaqësues të këndit të BE-së në Peqin. Nxënësit kishin përgatitur vizatime sensibilizuese për Ditën e Evropës dhe interpretuan kuptimin e krijimeve të tyre me pjesëmarrësit e tjerë.
Disa nxënës nga gjimnaze të ndryshme u përfshinë në përgatitjen e shkrimeve për të pasqyruar vlerat themelore të Bashkimit Evropian si respektimi i dinjitetit njerëzor dhe të drejtave të njeriut, liria dhe demokracia. Mund të gjeni disa prej shkrimeve të nxënësve më poshtë: