Këtë javë u zhvillua një diskutim i lirë midis Dea Rrozhani, programuese dhe bashkëthemeluese e aplikacionit GjejZa, dhe të rinjve nga 16 shkolla të mesme të përgjithshme, pjesë e qasjes shumaktoriale Shkolla Qendër Komunitare.
Takimi ishte një mundësi për të frymëzuar dhe nxitur nxënësit e shkollave të mesme të bëjnë zgjedhjet e duhura në përpjekjet e tyre të ardhshme profesionale dhe sipërmarrëse.
Dea ndau me të rinjtë pasionin e saj për teknologjinë dhe rrugëtimin që në moshë të hershme për të realizuar ëndrrën e saj. Gjithashtu, ajo foli dhe për eksperiencën e veçantë në krijimin e aplikacionit GjejZa, një aplikacion që ofron ndihmë për viktimat e dhunës në familje.
“Unë e shkarkova aplikacionin dhe sapo e pashë thashë një bravo të madhe për punën e bërë. Dhuna është problemi më i madh në ditët e sotme dhe kjo është një iniciativë shumë e shkëlqyer. Shpresoj që influenca të rritet dhe aplikacioni të bëhet sa më publik në shoqërinë tonë dhe në shumë organizata e rrjete sociale të ndryshme që janë në mbrojtje të grave dhe vajzave dhe të të drejtave të njeriut”, u shpreh një nga të rinjtë në mbyllje të bashkëbisedimit.
Mund të ndiqni takimin e plotë këtu.
#SHQK
#PërKomunitetin
