Ditën e Premte, me datë 17 Korrik 2020, u zhvillua një takim me të rinjtë e Peqinit bashkë me përfaqësues nga Drejtoria e Mirëqenies dhe Shërbimeve Sociale, Bashkia Peqin.
Të rinjtë diskutuan rreth rolit të vajzave dhe grave në shoqëri dhe për mënyrën si situata e Covid-19 ka ndikuar në mosmarrëveshjet dhe rastet e dhunës në familje në qytetin e Peqinit.
Këto takime janë pjesë e projektit “Ndërtimi i komuniteteve të qëndrueshme nëpërmjet modelit “Shkolla Qendër Komunitare”, zbatuar nga Instituti për Demokraci dhe Ndërmjetësim, mbështetur nga Ambasada e Shteteve të Bashkuara.
Të rinjtë kërkuan të merrnin më shumë informacion, përmes një bashkëbisedimi të hapur, mbi hapat e ndërmarrë për parndalimin e rasteve të dhunës në familje dhe punën e bërë nga Bashkia në ndërgjegjësimin e qytetarëve për situatën aktuale Covid-19.
Duke marrë në konsideratë rëndësinë e takimeve që fokusohen në mendimet e të rinjve dhe rrisin ndërgjegjësimin e tyre për çështje të ndryshme sociale, në kuadër të këtij angazhimi, të rinjtë kanë zhvilluar takime të mëparshme të së njëjtit format dhe do të angazhohen në takime të tjera në javët në vijim.
#KomunitetiQëndrueshëm #Shqk #Shkolla #Rinia #PërKomunitetin #BashkiaPeqin