Në aktivitetin e radhës të rinjtë e gjimnazit “Skënderbeu” – Krujë u njohën me ligjin, rregullat e qarkullimit rrugor dhe zbatimin e tyre për parandalimin e aksidenteve të ndryshme. Aktiviteti u realizua në bashkëpunim me policinë, qeverinë e nxënësve në shkollë në klasën multifunksionale. Në këtë aktivitet u diskutuan çështje të tilla, si:

-siguria rrugore, njohja me rregullat e qarkullimit rrugor.

-siguria kibernetike.

-njohja e ligjit nga nxënësit.

Në tryezë të rrumbullakët nxënësit ishin të lirshëm të jepnin mendimet e tyre pasi dëgjuan fjalën e shefit të policisë. Nxënësit dhanë mendime të ndryshme deri edhe tek vendosja e kamerave nëpër rrugët e qytetit me qëllim parandalimin e aksidenteve dhe krimeve të ndryshme.

Të rinjtë e gjimnazit “Skënderbeu” – Krujë zhvilluan aktivitetin me qëllim nxitjen dhe përfshirjen e nxënësve në vendimmarrje dhe këshillimi për përzgjedhjen e një profesioni me qëllim punësimin në të ardhmen.

Aktiviteti u realizua në ambientet e shkollës në klasën multifunksionale ku morën pjesë nxënës, mësues dhe përfaqësues të Bashkisë. U realizua në formën e bashkëbisedimit në tryezë rrumbullake ku nxënësit ishin të lirshëm të diskutonin dhe të jepnin edhe mendimin e tyre në lidhje me temat përkatëse. U diskutua edhe për profesionet që mund të zgjedhin nxënësit për të ardhmen e tyre me qëllim punësimin e tyre.

Ky aktivitet u realizua nga klubi i Teatrit dhe i Historianit, i nxënësve të shkollës. Të rinjtë përgatitën piktura, ese, fotografi dhe interpretime të ndryshme. Në videon e realizuar nga nxënësit e klubit të historisë pasqyrohet hitoriku i gjimnazit “Skënderbeu” Krujë.

Në këtë aktivitet morën pjesë nxënës, mësues, prindër dhe përfaqësues të EU4SCHOOL, të cilët ishin bashkëpunues në aktivitet.

Klubi i Fjalës artistike të shkollës u mblodh në një aktivitet letrat, me pjesëmarrjen e nxënësve të talentuar në fushën e letërsisë. Nxënësit interpretuan pjesë të ndryshme nga autorë shqiptarë dhe të huaj.

Aktiviteti u realizua në nëntor 2021, në ambientet e shkollës së mesme, në bashkëpunim me Qendrën Kulturore të qytetit. Të pranishëm ishin nxënës, mësues dhe prindër.

Zhvilluam një takim me përfaqësues të senatit të nxënësve nga gjimnazi Skënderbeu Krujë.

Senatorët e klasave, në praninë e mësuesve dhe koordinatorit të projektit, diskutuan mbi planin e aktiviteteve në vazhdimësi dhe shkëmbyen ide të ndryshme për nismat komunitare që mund të ndërmarrin të rinjtë për të qenë më pranë komunitetit dhe nevojave të tyre.

Pjesë e diskutimit ishin mundësitë e ofruara për të rinjtë nga platforma shkollaime.org.