Çdo student ka një përvojë komunikimi. A keni mbajtur ndonjë fjalim apo prezantim në klasë? Atëherë ju keni përmirësuar aftësitë tuaja të komunikimit. A keni ndjekur ndonjë konkurs debati? Bingo! Ju keni aftësi komunikuese dhe keni shembuj të rasteve që i keni përdorur ato. Disa fjalë kyçe që mund të përdorni në CV-në tuaj janë:
Komunikimi
- Shërbimi ndaj klientit
- Dëgjues i/e mirë
- Prezantimi
- Besueshëm/shme
- Përgjegjës/e
Besueshmëria
Punëdhënësit kërkojnë të rinj që ata mund t’u besojnë për të kryer punën. Prandaj, theksoni natyrën tuaj të përgjegjshme. A ka pasur raste kur ju janë dhënë përgjegjësi shtesë (në punë, shkollë, apo edhe sporte) për shkak të karakterit tuaj të besueshëm? Përfshini shembuj të këtyre në CV-në tuaj. Disa fjalë kyçe që mund të përdorni në CV-në tuaj janë:
- Fleksibël
- Ndjek udhëzimet
- I/e organizuar
- I/e përpiktë, besueshëm/shme, përgjegjshëm/shme
Të mësuarit shpejt
Punëdhënësit zakonisht nuk presin që studentët e shkollës së mesme të dinë të gjitha aftësitë e nevojshme për një punë menjëherë. Sidoqoftë, ata presin që ju të fitoni aftësi të reja shpejt. Theksoni eksperienca në të cilat keni fituar me lehtësi një aftësi ose teknikë të re. Disa fjalë kyçe lidhur me këtë aftësi janë:
- Saktësia
- Energjik/e
- Entuziast/e
- Marrje iniciativash
- Inovativ/e
- I/e gatshëm/shme për të mësuar
Puna në ekip
Shumë punë për studentët e shkollave të mesme përfshijnë detyra që duhen kryer në ekip, qoftë si pjesë e stafit të pritjes për një restorant apo si ndihmës kujdestar në një kamp veror. Përfshini në CV-në tuaj shembuj të rasteve që keni punuar mirë si pjesë e një ekipi, të tilla si një ekip sportiv, klub, grup muzikor, takime të senatit, etj. Disa fjalë kyçe lidhur me këtë aftësi janë:
- Bashkëpunues/e
- I/e sjellshëm/shme
- I/e dobishëm/shme
- Udhëheqja
- Qëndrim pozitiv
- Fleksibël
- Mirëkuptues/e
Në fund të ditës, pasi të keni dorëzuar CV-në tuaj, kur gjithçka është thënë dhe bërë, jini krenarë për atë që keni arritur. Në fund të fundit, edhe nëse nuk e fitoni punën që keni aplikuar, jeni një hap më pranë arritjes së qëllimit tuaj.