Të rinj nga 16 shkolla të mesme të përgjithshme pjesë e projektit SHQK morën pjesë në një trajnim interaktiv për zhvillimin profesional të tyre.
Trajnimi, i ndarë në dy sesione, kishte në fokus aftësimin e të rinjve për shkrimin e CV-së dhe letrës së motivimit, dhe përgatitja për një intervistë profesionale punësimi.
Pikat kryesore të diskutimeve përgjatë trajnimit ishin në:
1) Identifikimin e pikave të forta dhe kompetencave të individit për të marr vendime të informuara për karrierën;
2) Shkrimi i një CV-je në formatin e duhur;
3) Hartimi i një letre motivimi të qartë dhe përmbajtësore
4) Prezantimi i vetes dhe dhënia e përgjigjeve të duhura gjatë intervistës sipas metodës STAR.
Gjatë takimit, të rinjtë praktikuan ushtrime praktike për identifikimin e vlerave të tyre përmes një vetë-reflektimi shumë të kujdesshëm mbi atë çfarë kanë arritur deri më tani si individë.
Në fund të trajnimit, pjesëmarrësit u shprehen se ishin më të qartë dhe të vetëdijshëm për aftësitë dhe kompetencat që kanë fituar gjatë shkollës dhe se si t’i shprehnin ato në mënyrën e duhur nëpërmjet CV-së dhe letrës së motivimit për të arritur punësimin e dëshiruar.
