“Kjo nuk je ti…” është një nisëm e ndërmarrë nga nxënësit e shkollave “Tomorr Sinani” Cërrik dhe “Mustafa Kemal Ataturk” Pajovë në kuadër të Ditëve Ndërkombëtare Kundër Dhunës ndaj Gruas dhe Bullizmit.
Të rinjtë organizuan një fushatë të përbashkët sensibilizimi kundër dhunës në familje, dhunës ndaj gruas dhe fenomenit “bullizëm”. Ata realizuan foto dhe video me fokus viktimat e dhunës dhe bullizimit, për të përcjellë tek nxënësit e shkollave, por dhe tek komunitetet që ata përfaqësojnë, mesazhe ndërgjegjësuese mbi fenomenet negative dhe pasojat që ato sjellin te individët, familjet dhe shoqëritë.