Në javën e parë të muajit Shkurt 2020 janë zhvilluar trajnime mbi lidershipin me nxënës, mësues, lehtësues dhe aktorë të ndryshëm.
Në trajnimet e zhvilluara janë shpjeguar konceptetet e liderit, lidershipit, parimet e një lideri, fjalët më të përdorura të një lideri, fryma e një ekipi si dhe karakteristikat e një lideri.
Gjatë zhvillimit të trajnimeve nxënësit kanë shfaqur interes për tu aktivizuar dhe ishin bashkëveprues duke u përfshirë në aktivitete që zhvillonin mendimin kritik lidhur me aftësitë e një lideri dhe çfarë duhet të bëjë më shumë një lider.
Gjatë takimeve fokusi u vendos në bashkëveprimin dhe aftësinë drejtuese të liderit në praktikë. Lojërat dhe praktikat e kryera mbi ushtrime specifike e bënë më të kuptueshëm rolin e liderit dhe aftësinë e tij bashkëveprues.
Nxënësit punuan në grupe ku nxorrën e karakteristikat e liderit të tyre ideal. U vu re që nxënësit e ngatërronin shpesh në përditshmërinë e tyre menaxherin dhe liderin por në përfundim të takimeve ata ishin më të qartë për rolet dhe karakteristikat e tyre.
Të rinjtë u njohën me karateristikat e secilit model drejtues si dhe me anët pozitive dhe negative të modeleve respektive.
