Shkolla “Halit Bërzeshta, në kuadër të Ditës së Tokës, zhvilloi një grup aktivitetesh. Fokusi i ketij aktiviteti ishte ndërgjegjësimi për të mbajtur sa më pastër mjedisin ku jetojmë.
Nxënësit u informuan nga mësuesit e lëndës së gjeografisë dhe qytetarisë për Ditën e Tokës, rëndësinë e kësaj dite, si dhe mënyrat se si mund ta mbrojmë mjedisin. Në këtë aktivitet nxënësit kishin përgatitur disa punime me dorë, të cilat përcillnin mesazhe të qarta rreth rëndësisë së kësaj dite.
Ky aktitvitet nisi me paradën e posterave me mesazhe, logove ndërgjegjësuese, pikturave nga vetë nxënësit dhe thënie mjedisore për Ditën e Tokës.
Gjithashtu pjesë e këtij aktiviteti ishte dhe paraqitja e një ekspozite me punime nga materiale të riciklueshme bashkë me mësuesit e biologjisë. Në ditët në vijim do të bëhet promovimi i ndarjes së mbeturinave të riciklueshme, pasi nxënësit nuk mund të grumbullohen të gjithë për shkak të situatës së Covid-it.
Veprimtaria vijoi me pastrimin e ambienteve brenda dhe jashtë shkollës, me mbjelljen e fidanëve dhe luleve sezonale, me rregullimin e hapësirave të gjelbra në oborrin e shkollës, ndihmuar edhe nga punonjësit e pastrim-gjelbërimit të bashkisë sonë.
Nxënësit promovuan sjelljet pozitive ndaj mjedisit si dhe përcollën sfidat e të ardhmes. Gjatë këtyre ditëve do të ketë edhe aktivitete të tjera, pasi mirëmbajtja e mjedisit është një proces në zhvillim, është një detyrim.
Rritja e përgjegjësisë individuale është çelësi për të hapur rrugën nga ndërgjegjësimi drejt veprimit, gjë që do ta kthejë njeriun në ekuilibër me natyrën.