Viti shkollor 1967-1970 shënoi shtrirjen e plotë të arsimimit 8-vjeçar në fshatrat që përfshinte lokaliteti i Vorës. Kjo shtrirje krijonte kushte të favorshme për arsimim të mëtejshëm ndaj lindi nevoja për domosdoshmërinë e hapjes së shkollës së mesme për nxënësit që përfundonin klasat e (VIII) që pajiseshin me dëftesë lirimi nga shkollat 8-vjeqare. Në këtë situatë në shtator 1970 nisi viti i parë i shkollës së mesme të arsimimit të përgjithshëm në Vorë. Viti shkollor 1970-1971 nisi me 27 nxënës të ardhur nga disa shkolla 8-vjeare: Vorë (11 nxënës), Prezë (11 nxënës), Marikaj (2 nxënës), Kashar (2 nxënës), Maminas (1 nxënës).
Viti shkollor 1971-72 solli ndryshim në përmbajtjen e kësaj shkolle. Dega e arsimit të përgjithshëm u mbyll, pasi u dha orientimi cë nëpër fshatra të hapeshin shkolla të mesme të bashkuara. Inkurajues ishte viti 1974-75. Këtë vit përfundoi matura e parë e shkollës bujqësore. Nga 21 maturantë morën të drejtë studimi 15 prej tyre, nga këto 8 maturantë ishin vajza.
Në vitin shkollor 1986-87 u bë e mundur shkëputja e nxënësve të ciklit 8-vjeçar duke krijuar drejtori të vecantë. Këtë vit shkollor d.m.th pas 15 vitësh, në shkollën e mesme, krahas klasave me profil bujqësor, rifilloi arsimi me profil të përgjithshëm (gjimnaz) me një paralele.
Në vitin shkollor 1994-95 filloi zbatimi i plotë i programit të arsimit të përgjithshëm. Për periudhën shkollore 1974-75 në 1988-89 me përjashtime të veçanta, të drejtat e studimit për në shkollat e larta për nxënësit e kësaj shkolle i përkisnin sferës së bujqësisë si: agronomi, ekonomi-agrare, ekonomistë, veterinerë. Në vitin shkollor 1989-90 në dhënien e të drejtave të studimit u bë kthesë e dukshme. Nxënësve maturantë të këtij viti morën të drejta studimi në degë të ndryshme.
Viti shkollor 2005-2006 solli rikonstruksionin e godinës së shkollës. Ndërtesa 2-katshe u bë 3-katshe duke iu shtuar 9 klasa mësimi.
Gjatë periudhës 39 vjeçare, 1970-2009 kanë përfunduar shkollën e mesme 1442 nxënës, nga këto 934 (64.8%) në arsimin e mesëm bujqësor dhe 508 (35.2%) në arsimin e përgjithshëm. Mbi 150 vetë kanë kryer arsimin e lartë në fakultete të ndryshme.
Gentjani koordinon shkollën Isa Boletini në Vorë, gjimnazin Ibrahim Rugova në Kamëz, gjimnazin Sadik Stavileci në Kashar. Prej 13 vitesh është angazhuar si aktivist në shoqërinë civile. Ai ka nisur aktivizmin në komunitetin në të cilin bën pjesë, në Vorë, duke zhvilluar një sërë aktivitetesh për fëmijët dhe të rinjtë e zonës. Puna e tij në komunitet ka qenë e lidhur ngushtë me të rinjtë, në zhvillimin dhe fuqizimin e tyre. Duke ditur vështirësitë që të rinjtë në Shqipëri, sidomos në zonat rurale, hasin në gjetjen e hapësirave për aktualizimin e tyre si individë, Genti ka promovuar modele pozitive sesi të rinjtë t’i japin formë botës që i rrethon përmes angazhimit në punë komunitare, testimit të ideve të reja dhe përfshirjes në qeverisjen lokale. Ka drejtuar dhe themeluar 2 qendra komunitare në zona rurale me qëllim rritjen e ndjenjës komunitare te të rinjtë dhe promovimin e vullnetarizmit te ta. Gjithashtu në vitin 2016 ka iniciuar dhe themeluar Bordin Rinor Këshillimor Vorë, një strukturë rinore përfaqësuese e zërit të rinjve në Bashkinë e Vorës. Kjo strukturë rinore është mjaft aktive dhe sot duke u angazhuar në vendimmarrjen lokale dhe duke mundësuar një sërë aktivitetesh rinore për të rinjtë e zonës, ku për herë të parë në këtë zonë u zhvillua një kampionat volejbolli për 128 vajza si dhe u hap një qendër rinore për ta. Prej vitit 2016 puna e tij përvec se në nivel lokal pranë organizatës “Youth for Social Changes” ka qenë e lidhur dhe me projektet ndërkombëtare të programit Erasmus+ ku ka krijuar ura bashkëpunimi dhe integrimi mes të rinjve në Shqipëri dhe bashkëmoshatarëve të tyre nga Europa. Gjithashtu nisur nga 2021 është bërë anëtar i Këshillit Rinor Kombëtar ku adresoj problematikat e të rinjve në nivel qendror dhe advokoj për më shumë aktivitete dhe hapësira rinore.
STANDARDI 1 - SIGURIMI I ARSIMIT CILËSOR PËR ÇDO NXËNËS:
STANDARDI 2- SIGURIMI I MIRËQENIES SOCIALE, EMOCIONALE DHE SHËNDETËSORE TË NXËNËSVE:
STANDARDI 3- ANGAZHIMDHE ZHVILLIM I KOMUNITETIT:
STANDARDI 4: VENDIMMARRJAE PËRBASHKËT:
STANDARDI 5- GJITHËPËRFSHIRJA DHE RESPEKTIMI I DIVERSITETIT:
OBJEKTIVA: