Gjimnazi “Oso Kuka” e nisi rrugëtimin e tij në shtator të vitit 1983. Në vitin e parë, shkolla kishte vetëm gjashtë klasa.


Ky gjimnaz vazhdon t’i sigurojë nxënësve një zhvillim dinjitoz të programit mësimor i cili shërben per përgatitjen e mijëra nxënësve per studime në universitet. Këtë e tregon rritja e numrit të nxënësve ndër vite dhe kërkesa e lartë për të qenë pjesë e kësaj shkolle.


E nisi rrugëtimin e saj si një shkollë e vogël, me 6 klasa, por, sot gjimnazi “Oso Kuka” numëron 19 klasa ku mësojnë 650 nxënës, me rezultate shumë të mira, sidomos në maturën shtetërore. Gjimnazi “Oso Kuka” është renditur brenda 4 viteve 2 herë në vendin e shtatë për rezultate të larta në maturën shtetërore.


Në 2016 në gjimnazin “Oso Kuka” u vendos edhe bilingue franceze. Falë punës dhe kontributit të mësueseve u arrit të bëhej labelizimi i saj. Për më tepër, qeveria e nxënësve në bashkëpunim me mësuesit dhe komunitetin bëjnë shumë punë të mira në shërbim të edukimit qytetar. 


Synimi i shkollës është të këtë bashkëpunim frytdhënës mes komunitetit dhe shkollës. Shkolla është vendi ku nxënësit edukohen, dhe komuniteti sheh të ardhmen e qytetit.


Nxënësit e shkollës bëhen zë i fuqishëm për shume problematika si: Të drejtat e Njeriut; Të folurit në publik; Debati konstruktiv; Ruajtja e Mjedisit, etj.

Samela Imeraj

Koordinatore

Samela është Psikologe Klinike e diplomuar në degën psikologji klinike master shkencor. Ajo mban Koordinatore lokale për shkollën ‘Oso Kuka’, në qytetin e Shkodrës. Prej 6 vitesh aktiviste në organizatat e shoqërisë civile me role dhe përgjegjësi të ndryshme. Pjesëmarrëse në simpoziumin ndërkombëtar UDEF 2021, me punim shkencor me temë: ‘Roli i stilit atashues të nënës me fëmijën në përjetimin e frikës për intimitet në adoleshencë të vonë” Pjesëmarrëse në konferencën studentore ‘Në kërkim të dijes’ 2019, me punim shkencor me temë: ‘Si e ndikojnë faktorë të ndryshëm, zgjedhjen e fushës studimore’? Pjesë e 5 personave për herë të parë në Shqipëri të certifikuar si TOT në vitin 2019. Angazhime në trajnime, workshope, evente të tjera formuese, pajisur me certifikatë/ dëshmi.

TOP